Ekskursionet » Hyrjet Natyralistike

Caiada

Conca di Caiada, që ngrihet mbi Val Desedan të sipërm, rrethohet nga një unazë malesh (Cimon, Cime di Caiada, Cirvoi) rrëzat e së cilëve janë të mbuluara nga shtresa sedimentare pyjore. Në fundin e gjerë të valëzuar bashkohen mjaft rrjedha të vogla uji, që pjesërisht humbin në tokë (duke krijuar më shumë burime për përroin Desedan). Origjina e këtij pellgu ka ndoshta lidhje me një shkarje të rëndësishme toke të shkëputur nga Cime di Caiada gjatë periudhës së fundit akullnajore (25-30,000 vjet më parë), duke mbushur dhe mbyllur plotësisht pjesën ballore të Val Desedan. Shkarja e madhe sot është e qëndrueshme, përveç krahut lindor, që është nën ndikimin e një fenomeni të dukshëm erozioni (Le Roe). Ndër biotipet më të rëndësishme të Parkut, Caiada dallohet për cilësinë dhe shtrirjen e pyjeve të saj (zona pyjore të përziera me Bredha të Bardhë dhe Ahe) duke kaluar në lirishta pak të valëzuara dhe një kullotë të gjerë (Palughét). Ndër speciet me vlera më të mëdha floristike janë Orkideja Buzëpërveshur (Cypripedium calceolus) dhe një orkide e vogël e rrallë: Orkideja Fantazmë (Epipogium aphyllum), që është i vetmi rast në territorin e Parkut. Pylli Caiada përfaqëson një nga vendet më interesante në park për sa i përket botës së egër: zona popullohet nga disa kafshë prania e të cilave vërteton cilësinë e saj të lartë mjedisore (Petriti Verior, Pula me Çafkë, Gjeli i Egër Bishtlirë, Qukapiku i Zi, Qukapiku i Përhimë).