Na vizitoni » Qendrat e Vizitorëve

Qendra e Vizitorëve e Belluno

Ish-Stacioni i Zjarrfikëses

Piazza Piloni - Belluno


Ndërtesa e ish-Stacionit të Zjarrfikësve, në qendrën e qytetit Belluno, do të rinovohet, dhe dy nga sallat e saj do të jenë streha e një prej Qendrave të Vizitorëve të Parco Nazionale Dolomiti Bellunesi. Qendra do të përqendrohet në dy çështje: territori i Belluno dhe i Parkut, me të gjitha tiparet e tij të një qyteti alpin dhe biodiversitetin e jashtëzakonshëm që në këto vende gjen akoma hapësira dhe burime për ta shfaqur vetveten. Në sallën e parë - pas recepsionit, librarisë dhe pikës së hyrjes në databazën e Parkut - vizitorët do të shikojnë një maket të madh dhe të veçantë të relievit të territorit të zonës Belluno. Salla e dytë përqendrohet te biodiversiteti: nuk do të jetë një vështrim i përgjithshëm i qenieve të ndryshme që popullojnë Parkun, por një seri informacionesh për të kuptuar arsyet natyrore dhe njerëzore të biodiversitetit, vlerën e tij të çmuar dhe cënueshmërinë e tij. Nuk do të jetë një ekspozitë që përpiqet të rindërtojë ose imitojë; do të jetë një vend plotësues i mjedisit të jashtëm, dhe detyra e tij do të jetë të kërkojë, zgjojë, nxisë pyetje, mendime, veprime dhe mesazhe.